" "
acceuilActualitéNouvèl kout an kreyòl

Nouvèl kout an kreyòl

Arestasyon gwo biznisman, Joël Khawly, Wa Jakmèl la

Biwo Lit Kont Trafik Nakotik (BLTS) / DCPJ, arete Joël Khawly nan Jakmèl, jou ki te vandredi 25 novanm 2022. Khawly se yon gwo biznisman nan depatman Sidès la. Apre yon fouy nan kay li, lapolis dekouvri zam lagè e yo akize l kòm moun ki gen nan menn li zam ilegal degè, ak minisyon.

Joël Khawly se Biznisman ki pi pwisan nan Jakmèl, e yo te menm rele li the king of Jacmel (Wa Jakmèl), nan yon atik deprès. Li te bati anpil, li nan komès pwodwi premye nesesite, gaz, kamyon, dlo, materyo konstriksyon, motosiklèt ak biwo transfè apati de selilè ak chanje lajan.

N ap raple nan mwa oktòb 1995, komisè gouvènman Jakmèl la, lè sa a, mèt Danton Léger, te sezi diznèf pakè kokayin nan bato Altagrace Marine ki te pou Joël Khawly. Otorite te mete yon dizèn moun anba kòd, pami yo: Khawly. Joël Khawly te libere rapidman. Li te demanti akizasyon Danton Léger fè sou li, ke li te nan trafik kokayin epi te deklare arestasyon li an te ilegal.

Moun ak zam ansasinen direktè akademi polis la, Harington Rigaud

Bandi ak zam ansasinen, nan vandredi apremidi 25 novanm, sou wout Frères, nan komin Pétion-Ville, yon wo grade nan Polis Nasyonal d’Ayiti. Nouvo viktim lan, Harington Rigaud, kòmisè divizyonè, te resevwa plizye bal, tou pre yon makèt sou wout Frè a, e bandi yo te ale ak machin sèvis viktim lan. Sitiyasyon sa a te kreye gwo van panik nan zòn lan. Harington Rigaud soti nan 8yèm pwomosyon polis la e li te aktyèl direktè akademi polis.

Ronald Léon

Articles Similaires

Lisez aussi
Close
Back to top button