acceuilActualité

Enspeksyon Jeneral ta sanble arete enspektè Carle Henry Boucher

Aprè plizyè èd tan li pase nan odisyon nan lokal Enspeksyon Jeneral Polis la (IGPNH) ki twouve l nan Delma # 1, swit ak akizasyon ki alabaz konvokasyon li nan Enspeksyon Jeneral Polis la, nan kad echèk operasyon polis ki koute lavi 5 polisye nan Vilaj de Dye, nan dat 12 mas 2021 an, gen de enfòmasyon k ap sikile e ki te konfime pa yon manm sendika polis la ki pote non SINAPOHA, nan yon entèvyou ak yon medya nan kapital la.

Enspektè a te reponn ak konvokasyon Enspeksyon Jeneral Polis la, jounen madi 16 mas 2021 an.  Enfòmasyon k ap sikile fè konnen Enspeksyon Jeneral te deside konfiske zam epi mete enspektè a nan izolman.

Yon gwoup jounalis te swiv konvwa ki t ap kondwi enspektè a, soti Enspeksyon Jeneral pou mennen li nan akademi polis la.

Pèsòn poko konnen ki sò enspektè a, ki te refize antre nan izolman.  Yon dosye n ap suiv…

Jean Baptiste Genson

Articles Similaires

Back to top button