Bandi ame nan Matisan 7 detounen yon kamyon chaje diri gran lajounen vandredi 20 novanm la kote bandi sa yo pase 2 jou ap bwote diri nan kamyon sa san lapolis pa fè okenn reyaksyon pou bloke zak bandi yo.
Rapatriman imigran ayisyen yo sou fwontyè a ap kontinye
Malgre pwomès sispansyon otorite dominiken yo fè bay Daniel Supplice rapatriman yo kontinye.
Gwoup sipò pou rapatriye ak refijye yo (GARR) fè konnen, sou kont twitter li, otorite dominiken yo rapatriye lendi 22 novanm sa a sou fwontyè Belladère 25 imigran ayisyen pami yo 2 fanm ansent ak 2 timoun.
Dapre (GARR) otorite dominiken te kenbe yo depi samdi nan yon sant detansyon anvan yo te rapatriye jodi a, san yo pat genyen yon manifès. Kidonk dominiken yo pa kenbe pwomès yo.
Òganizasyon dwamoun lan denonse ak tout kouray li rapatriman ki fèt nan meprize totalman Pwotokòl sou mekanis rapatriman de Eta sa yo te siyen an Desanm 1999.
GARR pwofite pou envite otorite dominiken yo sispann lachas ak rapatriman masiv fanm ansent yo, sa ki konstitye yon vyolasyon grav nan lwa imigrasyon ki di «detansyon pa ta dwe janm itilize nan oken ka sou minè, fanm ansent,oswa bay ti bebe tete, granmoun aje ak. moun k ap chèche azil yo».
Gwoup sipò pou rapatriye ak refijye yo mande Leta ayisyen mete ann aplikasyon yon politik piblik ki pèmèt tout sitwayen gen aksè ak sèvis sosyal debaz yo, tankou sante, edikasyon, elatriye. , ki fè pati dwa fondamantal moun.
Ronald Leon